Siglir tar il cuntegn

Header

video
Dus plazs da podest per la Svizra en las cursas da short track
Or da Sport-Clip dals 03.09.2021.
laschar ir. Durada: 1 minuta 50 Secundas.
cuntegn

Cuppa mundiala MTB a Lai Mathias Flückiger puspè «mo» segund

Las cuppa mundiala da mountainbike a Lai ha cumenzà bain per ils Svizzers. En las cursas da short track hai dà gist dus plazs da podest. Tar ils umens è Mathias Flückiger vegnì segund, tar las dunnas ha la campiunessa olimpica Jolanda Neff terminà la cursa sin il terz plaz.

video
Flückiger: «Il focus è sin la cursa roiala da dumengia»
Or da Sport-Clip dals 03.09.2021.
laschar ir. Durada: 1 minuta 38 Secundas.

Mathias Flückiger vegn sco gia als gieus olimpics ed als campiunadis mundials segund, quella giada davos il Brasilian Enrique Avansini. Cumplettà il podest sco terz ha il Franzos Victor Koretzky. Il campiun mundial Nino Schurter è vegnì 5avel cun sis secundas retard.

video
Schurter: «Jau hai gì l'entira emna chommas grevas»
Or da Sport-Clip dals 03.09.2021.
laschar ir. Durada: 1 minuta 20 Secundas.

Tar las dunnas è Jolanda Neff vegnida terza. Gudagnà ha la Svedaisa Jenny Rissved, avant la Evie Richards da la Gronda Bretagna. La campiunessa mundiala da short track, Sina Frei, è vegnida otgavla.

video
Neff: «Jau sun fitg cuntenta cun quest resultat»
Or da Sport-Clip dals 03.09.2021.
laschar ir. Durada: 1 minuta 47 Secundas.

La cursa principala da cross country da la cuppa mundiala a Lai ha lieu la dumengia. La sonda stattan sin il program las cursas da downhill.

RTR novitads 20:00

Artitgels legids il pli savens