Camille Balanche dal chantun Neuchâtel, la campiunessa mundiala dal 2020 a Leogang, ha manchentà il podest en la cursa da downhill a Lai. L'atleta da 31 onns, ch'è anc vegnida avant in'emna terza al campiunadi mundial a Val di Sole, ha stuì sa cuntentar cun il 5avel plaz a sia cursa da chasa, quai cun in retard dad 8,5 secundas sin la Franzosa Myriam Nicole, l'actuala campiunessa mundiala da downhill.
Grazia a questa victoria ha Myriam Nicole uss er pudì sa distanziar da la Svizra en il classament general. Avant la cursa da la cuppa mundiala a Lai avevan omaduas tuttina blers puncts sin il conto. En questa stagiun spetgan anc duas cursas da la cuppa mundiala.
Tar ils umens è Yannick Bächler daventà meglier Svizzer, sco 12avel. Victur dal downhill a Lai è l'Austriac Andreas Kolb.
