Siglir tar il cuntegn

Header

cuntegn

Champions League Victoria sensaziunala per ils Young Boys

Cun ina buna prestaziun, ed era passa in'ura cun in um dapli sin il plaz – persvadan ils Young Boys en l'emprim gieu da la Champions League. La finala van ils Bernais avant 31'000 aspectaturs sco victurs giu dal plaz, cunter Manchester United gudognan els cun 2:1.

Bain ha il superstar Cristiano Ronaldo sajettà en avantatg ils Englais en la 13avla minuta. ManU ha dentant pers in giugader tras ina carta cotschna, en la 35avla minuta. Aaron Wan-Bissaka a stuì ir giu dal plaz suenter in dir foul.

En la 66avla minuta ha Nicolas Ngamaleu lura pudì egualisar per ils Young Boys. Ed en la 95avla minuta è perfin gartegià il gol da victoria a Jordan Siebatcheu, al 2:1 cunter Manchester United.

RTR novitads 21:00

Artitgels legids il pli savens

Scrollar a sanestra Scrollar a dretga