Siglir tar il cuntegn

Header

video
Jolanda Neff cuntanscha l'arrivada sco segunda.
Or da Sport-Clip dals 28.08.2022.
laschar ir. Durada: 37 Secundas.
cuntegn

Campiunadi mundial Jolanda Neff gudogna argient a Les Gets

Pauline Ferrand-Prévot ha surpiglià la testa gia en l’emprima da sis rundas e suenter duas rundas aveva la gronda favurita gia in avantatg da bun ina minuta sin l’entira concurrenza. Alla fin ha la Franzosa, ch'aveva gia gudagnà aur en la cursa da short-track, gì in avantatg da 1:35 minutas sin Jolanda Neff.

video
Neff: «Ina cursa ad in campiunadi mundial è adina dira»
Or da Sport-Clip dals 28.08.2022.
laschar ir. Durada: 2 minutas.

Per Ferrand-Prévot èsi gia il quart titel da campiunessa mundiala en la disciplina cross-country suenter il 2015, il 2019 ed il 2020. Quatter titels aveva gudagnà fin oz sulet la Norvegiaisa Gunn-Rita Dahle.

Nagina medaglia per Lecomte e Keller

Cumplettà il podest sco terza ha l’Americana Haley Batten. La mountainbikera da 23 onns ha pers 2:13 minutas sin Pauline Ferrand-Prévot. Manchentà ina medaglia ha la mattadura locala, la Franzosa Loana Lecomte che valeva er sco ina da las grondas favuritas. Ella è vegnida quarta a quest campiunadi mundial da chasa. Alessandra Keller ch’ha gudagnà argient en la cursa da short-track, ha terminà la cursa roiala da cross-country sin il 5avel plaz cun in retard da 3:46 minutas.

Jolanda Neff
Legenda: Jolanda Neff leva aur – sa legra dentant er d'avair gudagnà argient. Keystone

RTR novitads 15:00

Artitgels legids il pli savens