Siglir tar il cuntegn

Header

cuntegn

Campiunadi mundial da curling Ina terrada ed ina victoria per ils Svizzers

Cun ina terrada ed ina victoria han ils curlists svizzers cuntinuà la Round Robin al campiunadi mundial a Calgary en il Canada. Il sisavel gieu cunter il team talian ha l'equipa svizra cun il skip Peter De Cruz pers la notg sin mardi cun 3:4. Silsuenter han ils Svizzers mussà ina reacziun cunter l'equipa russa. Suenter set ends manava la Svizra cun 8:2, sinaquai han ils Russ desistì da cuntinuar la partida.

En ils emprims quatter gieus da la Round Robin han ils Svizzers mussà ina prestaziun excellenta e gudagnà tut ils gieus. Pir en il tschintgavel gieu, han ils Svizzers gì da magunar l'emprima sconfitta. Cunter ils campiuns olimpics dals Stadis Unids enturn il skip John Shuster ha l'equipa svizra pers cun 6:8.

video
Ils curlists svizzers perdan cunter l'USA
Or da Sport-Clip dals 05.04.2021.
laschar ir. Durada: 23 Secundas.

La notg sin mesemna spetgan ils curlists svizzers la Norvegia e la Scozia sco adversaris.

RTR novitads 06:00

Artitgels legids il pli savens