Siglir tar il cuntegn

Header

video
L'ultim crap en la partida tranter Canada e Svizra
Or da Sport-Clip dals 04.04.2021.
laschar ir
cuntegn

Campiunadi mundial da Curling Danovamain exploit da la Svizra

Ulteriur exploit da l'equipa da curling svizra al campiunadi mundial a Calgary. L'equipa da Genevra cun il skip Peter De Cruz ha gudagnà cunter il grond favurit il Canada cun il skip Brendan Bottcher cun 6:4 suenter in end supplementar. Normalmain n'èsi strusch pussibel da gudagnar cunter in'equipa canadaisa en in end supplementar sche quel ha er anc l'ultim crap. Ils Genevrins han dentant mussà en quest gieu, ch'igl è pussaivel. Els han schizunt engulà dus craps.

Suenter quatter da 13 gieus da la Round Robin ha la Svizra gudagnà quatter giadas ed ha gia dà cunter ils gronds favurits. En l'emprima partida ha la Svizra battì il defensur dal titel la Svezia, silsuenter gudagnà cunter la Germania ed il Giapun. La medema bilantscha sco la Svizra ha il mument be anc la Norvegia. Lezza ha però anc da giugar cunter ils topfavurits Canada e Svezia.

Ord l'archiv:

video
Ils Genevrins enturn De Cruz èn campiuns svizzers
Or da Sport-Clip dals 13.02.2021.
laschar ir

RTR novitads 21:00

Artitgels legids il pli savens

Scrollar a sanestra Scrollar a dretga