Siglir tar il cuntegn

Header

cuntegn

Campiunadi mundial Australia Küng perda trais secundas e va per argient

Suenter che Marlen Reusser ha paucas uras oravant gudagnà la medaglia da bronz en la cursa cunter l’ura al campiunadi mundial da ciclissem en l'Australia, hai er dà ina medaglia per ils umens svizzers.

video
Küng: «Cun Foss n'hai jau betg quintà»
Or da Sport-Clip dals 18.09.2022.
laschar ir. Durada: 2 minutas 16 Secundas.

Stefan Küng ha manchentà la medaglia dad aur be 2,95 secundas ed è vegnì segund. Pli spert ch’il Turgovian è be stà il Norvegiais Tobias Foss. Bronz va al Beltg Remco Evenepoel. Suenter la cursa è Küng stà trump. El n'haja betg gudagnà argient, mabain manchentà aur, ha il ciclist svizzer ditg suenter la cursa.

Jau n'hai betg gudagnà argient, mabain manchentà aur.
Autur: Stefan Küng Ciclist svizzer

Puspè be per pauc

Gia al campiunadi europeic ha Küng manchentà il titel be per il nair da l’ungla. Lura ha triumfà ses cumpatriot Stefan Bissegger. Er Bissegger ha mussà ina ferma prestaziun a Wollongong ed è la finala vegnì tschintgavel.

video
Bissegger: «Ina prestaziun solida»
Or da Sport-Clip dals 18.09.2022.
laschar ir. Durada: 1 minuta 50 Secundas.

RTR novitads 10:00

Artitgels legids il pli savens