Ajla Del Ponte desista da la partenza singula sur ils 100 meters als campiunadis europeics d'atletica leva da l'autra emna a Minca. L'atleta tessinaisa taxescha sia furma sco nun-suffizienta per satisfar a sias atgnas aspectativas.
Del Ponte aveva gudagnà la cursa da mesemna saira a Langenthal cun in temp da 11.30. Ses agen record è tar 10.90. Uss erta Geraldine Frey ses plaz en la cursa sur 100 meters. Del Ponte vegn dentant a currer la staffetta da 4x100 meters ensemen cun Frey, Kambundji e Salome Kora.