Il goli svizzer Yann Sommer sto pausar tar Borussia Mönchengladbach. Per dus gieus è el vegnì suspendi suenter ch'el ha survegnì la sonda passada ina carta cotschna en il gieu cunter Hertha Berlin. El manca uschia en ils gieus cunter Eintracht Frankfurt e cunter Hoffenheim.
Adi Hütter – nov trenader da Gladbach
L'anteriur trenader da YB mida sin la proxima stagiun da Eintracht Frankfurt tar Borussia Mönchengladbach. L'Austriac ha suttascrit in contract fin il 2024. Hütter che ha 51 onns succeda tar Gladbach a Marco Rose che mida la stad tar Borussia Dortmund. Il 2018 ha Hütter midà sco trenader da campiun svizzer dals Young Boys en la Bundesliga tar Frankfurt. Cun la Eintracht ha Hütter dumagnà l'onn passà la qualificaziun per l'Europa League ed en questa stagiun pudess il club schizunt sa qualifitgar per la Champions League.