Siglir tar il cuntegn

Header

Arno del Curto
Legenda: Arno del Curto MAD
cuntegn

Biografia Arno Del Curto La vita dal trenader da cult

«Mit Köpfchen durch die Wand» maina rasant tras la vita d'Arno Del Curto. Sco sia vita da trenader è era adina stada. Ina vita ch'ha sper la tschertga dal hockey gì plaz perfetg per bler auter. Sincer, critic, profund ed emoziunal dat el invista en ils blers success ma era crisas.

En sia biografia lascha Arno Del Curto passar sia vita. Spert daventa cler che quella è stada sumeglianta sco quai ch'el ha adina propagà il dar hockey: svelt, dinamic, dramatic, adina pront per risico. L'Engiadinais da 65 onns sa regorda da las victorias e terradas las pli spectacularas dal HC Tavau, recapitulescha las impurtantas midadas ed il svilup dal hockey sin glatsch. Declera sia rolla sco motivatur e leader entaifer l'equipa. Sper il hockey dat el era invista profunda da sia vita privata, famiglia, uffanza, crisas e destins.

audio
Biografia Arno Del Curto
02:01 min, Actualitad dals 18.11.2021.
laschar ir. Durada: 02:01 minutas.

La fin al cumenzament

Gist al cumenzament da ses cudesch «Mit Köpfchen durch die Wand» declera Arno Del Curto daco ch'el ha avant trais onns, entamez la stagiun, bandunà il HC Tavau. Ed era davart ses curt intermezzo il 2019 tar ils ZSC Lions. Ses 22 onns tar il HCD sajan stads «obergail». Sulet ses ultim onn a la banda, in magari nair. Intern era Arno Del Curto vit, senza energia. Insatgè cumplet nov per quel ch'ha si'entira vita dà gas. El conceda d'avair manchentà il dretg mument da chalar. Pers il sentiment per las atgnas limitas.

audio
Biografia Arno Del Curto
02:25 min, Actualitad dals 18.11.2021.
laschar ir. Durada: 02:25 minutas.

Rebel – hippi – rockstar

Il trenader svizzer cun il pli grond success raquinta da si'uffanza en relaziuns mudestas. Da ses temp da giuventetgna selvadi. Avant che Arno Del Curto ha vulì daventar profi da hockey semiava el d'esser in bel di in rockstar. El carezava musica dira da Black Sabbath e Led Zeppelin. La ghitarra electrica sunavia el detg passabel, manegia Del Curto guardand enavos, ed el avevia era la frisura d'in rockstar, ina chavalera lunga. A Turitg en il Kreis 4 festivà partys selvadias. Era pli tard saja el stà in rebel.

audio
Biografia Arno Del Curto
01:59 min, Actualitad dals 19.11.2021.
laschar ir. Durada: 01:59 minutas.

Mai pli trenader

Sper sia biografia ch'el vul il proxim temp propagar ha Arno Del Curto anc inqual project ch'el sa deditgescha. Ensemen cun l'anteriur hockeyan Marcel Niederer ch'è oz um da fatschenta, bajegia el ad Arosa in hotel cun in cumplex da suitas, in spa ed ina ustaria. Lascha renascher il «Posthotel» che ha brischà avant quatter onns. Plinavant ha el fundà cun in inschigner in startup che producescha betun ch'è neutral areguard il CO2.

audio
Biografia Arno Del Curto
03:10 min, Actualitad dals 19.11.2021.
laschar ir. Durada: 03:10 minutas.
Ussa vesan ins mai sco quel che jau sun: In tip normal.
Autur: Arno Del Curto Icona e trenader da cult

Arno Del Curto – Mit Köpfchen durch die Wand. Biografie eines Machers.

RTR actualitad 06:00

Artitgels legids il pli savens

Scrollar a sanestra Scrollar a dretga