Siglir tar il cuntegn

Header

cuntegn

Beijing 2022 Stizzà la flomma olimpica a Peking

Il president dal Comité internaziunal olimpic Thomas Bach ha declerà la dumengia suentermezdi ils 24avels gieus olimpics en la China sco finids. Bach ha discurrì da gieus «vairamain extraordinaris». Per la Svizra ha il campiun olimpic dal skicross Ryan Regez purtà la bandiera.

En tut hai dà en la China 109 concurrenzas, repartidas sin 13 lieus. Ils organisaturs han annunzià damain che 100'000 aspectaturas ed aspectaturs, cumpareglià cun in milliun avant quatter onns a Pyeongchang en la Corea dal Sid.

En quatter onns han ils proxims gieus olimpics d'enviern lura lieu bunamain avant chasa dal Grischun – numnadamain a Milano ed a Cortina d'Ampezzo. Ils Talians han retschet a Peking da Thomas Bach la bandiera olimpica, avant che la flomma olimpica è vegnida stizzada. Ils gieus olimpics da stad suondan gia en dus onns er en la vischinanza da la Svizra – il 2024 ha Paris l'onur.

RTR novitads 15:00

Artitgels legids il pli savens