Siglir tar il cuntegn

Header

cuntegn

Ballape regiunal Surses è relegà enavos en quarta liga

3. liga regiunala

La fin d’emna è la relegaziun daventada realitad per il CB Surses. Suenter be ina stagiun en la terza liga vai per il club da ballape Surses enavos en quarta liga. Quai suenter ch’ils da Weesen han battì Tusaun-Cazas cun 2:1.

En ils dus gieus che restan al CB Surses en questa stagiun n'èsi uschia betg pli pussaivel da ruschnar sur il stritg. Il retard sin il club da Weesen munta gia a 7 puncts. En ils ultims dus gieus en la terza liga frunta il CB Surses anc sin Uznach e Tusaun-Cazas.

En las ulteriuras partidas da la fin d'emna ha il CB Lumnezia pers cun 0:2 cunter l'emprim da la tabella – Eschenbach. En pli haTrun/Rabius pers cunter Bogn Ragaz cun 0:3.

2. liga regiunala

En la segunda liga regiunala ha Domat pers ordaifer cunter Montlingen cun 0:2.

RTR novitads 17:00

Artitgels legids il pli savens