La US Schluein Glion ha stuì magunar ina pitra terrada en la 2. liga regiunala da ballape. Ils Sursilvans han pers a chasa encunter il FC Au-Berneck cun 1:2.
Igl è stà il duel tranter ils dus vischins a la cua da la tabella. Suenter questa terrada resta Schluein Glion sin il davos plaz cun 5 puncts ord 10 gieus. En la davosa runda d’atun frunta l’equipa sursilvana sonda proxima ordaifer sin Mels, ina da las fermas equipas en questa 2. liga.
En la terza liga ha il CB Surses pers ordaifer encunter Tusaun-Cazas cun 0:1. Malgrà questa terrada restan ils da Surses sur il stritg en lur emprima stagiun insumma en la terza liga. Las duas autras equipas rumantschas en questa liga dattan la dumengia. Il CB Lumnezia frunta ordaifer sin Landquart ed il CB Trun/Rabius dat ordaifer encunter Uznach.
La pli ferma equipa grischuna da ballape, Cuira 97 che dat en la 2. liga interregiunala ha giugà pari 0:0 encunter Rorschach-Goldach. L’equipa da la chapitala grischuna sa chatta suenter 11 rundas sin il 10avel plaz da la tabella cun ina reserva da 3 puncts sin ina plazza da relegaziun.
Tabella 2. liga interregiunala
Resultats da las partidas da la dumengia
En la segunda liga ha Domat pers cunter Mels cun 0:2.
Tabella 2. liga
En terza liga ha Landquart battì Lumnezia cun 7:0. e Trun/Rabius ha gudagnà ordaifer cunter Uznach cun 3:1.
