Gronda midada en il cas Djokovic. Il nummer 1 dal mund dal tennis perda ses visum per l'Australia trais dis avant ch'il turnier a Melbourne entschaiva. Il minister d'immigraziun, Alex Hawke ha fatg diever da ses dretg ed ha annullà la decisiun da la dretgira da glindesdi. Dus dis pli tard aveva Djokovic concedì d'esser stà ad in'intervista, malgrà ch'el saveva ch'el saja infectà. Entant ha Djokovic danovamain recurrà cunter la privaziun dal visum.
Annullà pervi d'interess publics
Sco quai che Alex Hawke ha orientà, haja el fatg diever da ses dretg d'annullar il visum e quai per motiv d'interess publics. El hajà examinà fitg precis ils documents. La decisiun na saja betg stada leva.
