Il Tudestg Alexander Zverev gudogna ils ATP Finals a Turin. El batta en il final il Russ Daniil Medwedew en dus sets cun 6:4 e 6:4. En la fasa da gruppa aveva il meglier giugader da tennis tudestg anc pers en trais sets cunter il numer dus dal mund.
Per l'atlet da 24 onns èsi gia la segunda victoria al turnier dals megliers giugaders dal mund. Il 2018 aveva el battì en il final il serb Novak Djokovic. Insumma dastga Alexander Zverev esser cuntent cun quest onn da tennis. Igl è stà il meglier en sia carriera – tranter auter er grazia a la victoria als gieus olimpics a Tokio.