Siglir tar il cuntegn

Header

cuntegn

Anteriura skiunza da profi Tamara Wolf candidescha per presidi da Swiss Ski

L’anteriura skiunza da professiun Tamara Wolf da Schlarigna candidescha per il presidi da Swiss Ski. Ella veglia purtar sias experientschas sco atleta, dentant er ord l’economia en il gremi, ha ella ditg envers RTR. Plinavant veglia ella manar pli datiers ils stars da skis al sport da massa.

audio
Tamara Wolf candidescha per gremi dal presidi Swiss Ski
ord Actualitad dals 01.06.2021.
laschar ir. Durada: 3 minutas 11 Secundas.

Sco part dal presidi da Swiss Ski vuless Tamara Wolf colliar las dretgas persunas. Ella vuless lantschar il program dal «segund agid» e sco terza vuless ella purtar ils stars dal sport da naiv pli datiers al sport da massa. Cun quellas trais visiuns va l’anteriura sportista da professiun en il cumbat electoral.

Ina plazza vacanta, magari duas

Il presidi da SwissSki è in gremi da set persunas. Actualmain è ina plazza vacanta. Sper Tamara Wolf candideschan er Cyril Grin, Sandro Jelmini e Martin Kallen per questa plazza. Las schanzas da vegnir elegida en il gremi fissan pli grondas, sch’il president actual Urs Lehmann daventass nov president da la FIS. Lura vegnissan numnadamain duas plazzas libras tar Swiss Ski. L’elecziun è ils 26 da zercladur.

Ord l'archiv

video
2011: Tamara Wolf chala sco skiunza professiunala
Or da Telesguard dals 10.05.2011.
laschar ir. Durada: 1 minuta 30 Secundas.

RTR novitads 06:00

Artitgels legids il pli savens