Sch'ins guarda en l'istorgia, vegn adina tschertgà persunas che han influenzà in club. Ed ina persuna che ha gì ed ha anc adina gronda influenza tar il HCD è Marc Gianola. Tranter il 1993 ed il 2009 è el stà giugader dals Grischuns, ed actualmain è el il CEO tar Tavau.
Sin il glatsch n'è il Samedrin mai stà il giugader da spitachel. El ha perencunter adina persvas cun ses giugar solid defensiv e cun sia aura. Plirs onns è el er stà chapitani da l'equipa. Durant sia carriera ha el gudagnà quatter giadas il titel da campiun svizzer cun il HCD, e quatter giadas la Cuppa Spengler.
Legenda:
Marc Gianola
Durant 16 onns ha l'Engiadinais (sanester) purtà il tricot blau-mellen.
Keystone
