Siglir tar il cuntegn
cuntegn

Lexicon V Via da transport

La via da tren tranter Rotterdam e Basilea è ina da las pli impurtantas vias da transport dal nord al sid da l’Europa. Dapi emnas è quella lingia impurtanta rutta. En vischinanza da Karlsruhe èn binaris sa sbassads – tge è capità?

Legenda: Guardar il video Via da transport è interruta. Durada 03:19 minutas.
Or da Minisguard dals 02.09.2017.

En vischinanza da Karlsruhe èn binaris sa sbassads – dapi emnas è quella lingia impurtanta rutta. Ina interrupziun d'ina da las pli impurtantas vias da transport da l’Europa. Nus declerain l’impurtanza e tge ch'è capità precis.

Il traject Basilea-Karlsruhe è numnadamain entamez il corridor tranter Rotterdamm e Genua sco er part da la magistrala tranter Paris e Budapest. Enfin 200 trens per di transporteschan sin quai traject interrut rauba sin 2 enfin 4 binaris. Per il pli è quai benzin, vivonda, atschal ubain auters metals.