Siglir tar il cuntegn
cuntegn

Lexicon T Tirchia

En la Tirchia hai dà ina votaziun impurtanta. I va per la refurma da la constituziun. Ma tge vul quai dir? La populaziun ha decis da dir gea a 18 leschas novas. Quellas dattan dapli pussanza al president Recep Tayyip Erdoğan. La critica da l'opposiziun e da l’Europa è dentant stada gronda.

Legenda: Guardar il video Refurma da la constituziun en Tirchia. Durada 03:00 minutas.
Or da Minisguard dals 22.04.2017.

La populaziun tirca è sa decidida piz a cup cun 51,4% per in sistem presidial. I ah dentant dà in'unda da protests cunter la victoria dad Erdogan.

Er malgrà la refurma da la constituziun è il temp d’uffizi dal president tirc da princip limità sin duas periodas. Dentant ha la partida da regenza AKP chattà ina via da guntgir questa lescha.

Erdogan pudess restar president fin il 2034

Decida il parlament numnadamain novas elecziuns durant la segunda perioda d’uffizi dal president, sche dastga quel candidar anc ina giada. E la dumbraziun dal temp d’uffizi cumenza da nov cun l’introducziun dal sistem presidial. Uschia pudess Recep Tayyip Erdogan teoreticamain restar a la pussanza fin il 2034.