Siglir tar il cuntegn
cuntegn

Lexicon S Solstizi

In solstizi datti duas giadas l’onn: in solstizi da stad ch'è ils 21 da zercladur ed in solstizi d'enviern ch'è ils 21 da december.

Legenda: Guardar il video Il pli lung di da l'onn. Durada 02:16 minutas.
Or da Minisguard dals 24.06.2017.

Il mund sa volva en 24 uras ina giada enturn l’axa, perquai èsi la damaun cler e la saira stgir. Ultra da quai sa volva il mund entaifer in onn ina giada enturn il sulegl. Il mund pon ins parter en duas parts: la part dal nord e la part dal sid. Nus vivin en il nord.

Solstizi

In solstizi (latin solstitium) datti duas giadas l’onn. Ina gida ils 21 da zerlcadur ed ina giada ils 21 da december. Tar il solstizi da stad ils 21 da zercladur ha il sulegl il pli aut stan sur l’orizont. Quai munta era ch’ils 21 da zercladur è il pli lung di da l’onn ed il sulegl splendura quai di bunamain 16 uras. Suenter vegnan ils dis adina pli curts. Ed ils 21 da december è lura il pli curt di da l'onn.

A Stonehenge en il sid da l'Engalterra èn bleras persunas sa radunandas ils 21 da zercladur per observar il solstizi da sulegl e festegiar l'entschatta da la stad. Ed en l'Australia han blers fatg il medem di in sigl en l'aua per beneventar l'enviern.

Legenda: Guardar il video Solstizi da stad. Durada 00:52 minutas.
Or da Minisguard dals 24.06.2017.