Siglir tar il cuntegn
cuntegn

Lexicon S Selvaschina durant l’enviern

Sch’i naiva fitg bler èsi grev per la selvaschina da chattar vivonda. Tuttina en las organisaziuns da l'ambient WWF, Pro Natura Grischun sco er l'Uniun grischuna da chatschaders da patenta da l'avis che la selvaschina na duai betg vegnir pavlada durant l'enviern.

Selvaschina en viadi

L'enviern èn tschiervs e chavriels puspè en viadi. L'onn 2016 hai dà en il Grischun 884 accidents cun selvaschina. Ma pertge datti gist da quest temp uschè blers accidents e tge mesiras datti per evitar quels? Nus avain accumpagnà in guardiaselvaschina en il Surses.

Legenda: Guardar il video Ussa capitan ils pli blers accidents cun Selvaschina. Durada 03:42 minutas.
Or da Minisguard dals 25.11.2017.

Proteger la selvaschina durant l’enviern

Sut la fina cuverta da naiv ston ils animals tschertgar il da mangiar. E sch’i naiva fitg bler èsi anc bler pli grev da chattar vivonda. Uschia ch’ils animals flaivels na pon betg surviver. Perquai èsi durant l'enviern era fitg impurtant che la selvaschina na sto betg currer.

Placat
Legenda: Placat RTR, Armon Schlegel

Perquai datti dapertut, uschè numnadas zonas da repaus per la selvaschina. I n`è betg lubì d’entrar en quella zona. Betg cun skis, gianellas ni a pe. E quai vegn controllà. Tgi che entra sto pajar in chastì. Il bler enturn 500 francs. La proxima gia custi in toc dapli.

 

placat
Legenda: placat RTR, Armon Schlegel

Tgi che vul buc disturbar la selvaschina e buc pajar il chasti po s’infurmar vi da las tablas al cunfin da la zona da repaus. U gia avant che bandunar la chasa en l’internet., il link avra en ina nova fanestra

 

taglialaina
Legenda: taglialaina RTR, Armon Schlegel

Agid per la selvaschina

En il cas ch’i naiva uschè bler sco l’onn passà, uschia ch’il da mangiar da la selvaschina è sut ina grossa cuverta da naiv. Trametta l’Uffizi da chatscha e pestga lur lavurers en il guaud per gidar la selvaschina.

 

taglialaina
Legenda: taglialaina RTR, Armon Schlegel

En plirs lieus derschan ils lavurers da guaud pigns. Uschia ha la selvaschina insatge da magliar senza stuair ir lunsch. La barba pign e la dascha è meglier per la selvaschina che pavel da silo u fain sitg.

 

taglialaina
Legenda: taglialaina RTR, Armon Schlegel

Per che la selvaschina n’haja betg memia stentus enfin ch’ella è tar il pign stagnan ils lavurers in trutg atras la naiv. Uschia ha era la selvaschina pli flaivla da magliar e vegn tar forzas.