Sajettar

Dar ballape, hockey u tennis èn sports che paran dad esser en la moda ozendi. Dal sajettar, ch’è magari bler pli vegl che tut tschels sports, auda ins fitg pauc.

Dar ballape, hockey u tennis. Quai èn ils sports che paran dad esser en la moda ozendi. Dad in sport ch’è magari bler pli vegl che tut tschels, auda ins fitg pauc. Numnadamain dal sajettar. Gist en il Grischun datti dentant blers tiradurs giuvens ed era tiraduras giuvnas.

Ed els èn dus tiradurs che han talent. Il buob Andri Tomaschett da Trun e sia cusrina Elena Tomatschett da Rabius. Els èn daventads campiun svizzer e vicecampiunessa svizra en sajettar cun la buis d'aria cumprimida. La TvR ha gì marveglias co ch'els treneschan en il stan da sajettar ed ha visità ils dus uffants.

L'onn 2009 è Elena Tomaschett vegnida campiunessa da sajettar cun buis d’aria cumprimida. Elena Tomaschett ha sajettà 185 puncts al campiunadi svizzer a Lucerna. Quai ha tanschì per l’emprim plaz. La giuvna da Rabius era ida cun dus collegas a Lucerna. Mo ella ha dentant pudì turnar cun ina medaglia.

Manuela emprenda da sajettar
Sch’ils Tomaschetts da la Surselva sajettan e tutgan uschè bain, vulain nus era empruvar quai. Manuela da battaporta ha vulì savair quant grev ch’i è da tutgar il mez da la schiba. Andri Tomaschett e sia sora pitschna Gianna han gidà a Manuela e mussà in pèr trics. Guardai sche Manuela ha tutgà la schiba.

I dovra l’entir corp per tutgar la noda

Sch’ins s‘imaginescha in trenament da sajettar na patratg’ins betg vid trenament da coordinaziun e cundiziun. Mo exact quai è la basa per daventar in bun tiradur. L'entschatta favrer 2017 han ils tiradurs giuvens dal Grischun sa mesirà a Trun. Il Minisguard ha visità ils giuvens sportists da Trun durant il davos trenament avant la concurrenza, e mussà pertge che currer è impurtant per avair in maun ruassaivel.

Laschar ir video «I dovra l’entir corp per tutgar la noda»

I dovra l’entir corp per tutgar la noda

3:31 min, Minisguard dals 4.2.2017