Siglir tar il cuntegn

Lexicon N NATO

La NATO - in'allianza militara da 28 terras. Ma tge è la NATO insumma e tge fa quella?

Legende: Video Tge è la NATO e tge èn sias lezias? abspielen. Laufzeit 2:49 Minuten.
Or da Minisguard dals 21.01.2017.

La definiziun da la NATO «Organisaziun dal pact da l'Atlantic dal Nord». Suttascrit il pact è vegnì ils 4 d'avrigl 1949, lur quartier general era a Londra, silsuenter dal 16 d'avrigl 1952 fin 1967 a Paris. Dapi l'onn 1967 sa chatta il quartier general a Brüssel.

La NATO - in'allianza militara da 28 terras. Ils commembers han da lezzas uras empermess in a l'auter agid militar sch'in pajais commember vegn attatgà. En il decurs dals davos onns è l'incarica da la NATO sa midada. Oz vesa la NATO sia incumbensa en quai da guardar e mantegnair la segirtad e pasch sin l'entir mund.

Fundà la NATO han:

Canada, Stadis Unids da l'America, Belgia, Danemarc, Frantscha, Gronda Britannia, Islanda, Italia, Luxemburg, Pajais Bass, Norvegia, Portugal

Entrada en la NATO 1952: Grecia, Tirchia

Entrada en la NATO 1955: Germania (vest) 1990 Germania (ost)

Entrada en la NATO 1982: Spagna

Entrada en la NATO 1999: Pologna, Tschechia, Ungaria

Entrada en la NATO 2004: Bulgaria, Estonia, Lettonia, Lituania, Rumenia, Slovachia, Slovenia
Entrada en la NATO 2009: Albania, Croazia