Siglir tar il cuntegn
Inhalt

Lexicon M Maraton

Il punct culminant per bleras sportistas e blers sportists da passlung è il maraton da l'Engiadina. Quanta energia dovri insumma per tegnair atras ils 42 kilometers dal maraton?

Il punct culminant per bleras sportistas e blers sportists d'enviern ha lieu en l'Engiadina, il maraton da l'Engiadina. L'onn 2012 èn passa 12'000 persunas sa participadas. Il Minisguard mussa quanta energia ch'ins dovra per tegnair atras ils 42 kilometers dal maraton. Plinavant dumondan uffants il schef dal maraton daco ch'ins dastgia pir sa participar a partir da 16 onns.

Il traject dal maraton da l'Engiadina passa trais lais.

Far passlung sur ils lais schelads

Il maraton da l’Engiadina cumenza a Malögia e va fin S-chanf. E sin quest traject da 42 kilometers va la loipa sur trais lais ch’èn schelads ora. Il glatsch sin quels lais sto pia tegnair tant la glieud sco era las maschinas da far la loipa da passlung.

 

Loipa sin il Lej da Champèr
Legenda: Loipa sin il Lej da Champèr RTR
Riet Planta, in dals responsabels per la loipa da passlung dal maraton da l'Engiadina
Legenda: Riet Planta, in dals responsabels per la loipa da passlung dal maraton da l'Engiadina RTR
Vista sur il Lej da Silvaplauna
Legenda: Vista sur il Lej da Silvaplauna RTR
Ratrac pitschen cun butschins per nudar
Legenda: Ratrac pitschen cun butschins per nudar RTR
Butschins per il ratrac grond
Legenda: Butschins per il ratrac grond RTR

 

Tschairar skis

Unscher skis è impurtant sch’ins vul esser sperts. Quai vala oravant tut per ils profis da skis, aissa e passlung. Là sa la dretga tschera sin ils skis decider tranter victoria ed ina terrada. Pertge che quai è uschia decisiv pudais guardar qua...