Siglir tar il cuntegn
cuntegn

Lexicon F Fugitivs

Pasch na datti betg sin l’entir mund. En blers lieus sin quest mund datti guerra. Quels che mitschan vegnan numnads fugitivs.

Pasch na datti betg sin l’entir mund. En blers lieus sin quest mund datti guerra. Quels che mitschan vegnan numnads fugitivs. I dat differentas raschuns pertge ch’enzatgi mitscha da sia patria e vul restar en in auter pajais.

Dentant betg mintga fugitiv dastga restar en Svizra. Restar dastgan be quels ch’èn en privel da vita sch’els turnassan en lur patria.

Pertge datti insumma fugitivs?

Fugitivs a Lampedusa

Avant l'insla Lampedusa datti adina puspè disgrazias. Bastiment cun fugitivs sfundran, bleras pesunas moran. E tuttina vegnan adina puspè novs bastiments sur la mar vers l’insla en il sid da l’Italia. Pertge sa mettan fugitivs sin quest viadi malsegir e tgi porscha ad els quests viadis?

Adina dapli fugitivs africans e sirians moran en la mar mediterrana. Cuntrabandists da persunas empermettan a persunas en miseria il tschiel sin terra ed ina nova vita en ina nova terra, incasseschan blers raps – ed als laschan murir en bartgas veglias sin il viadi en quella nova vita.

Tants fugitivs sco anc mai

Ils fugitivs ston savens far in viadi fitg privlus. Els èn mais ora sin la fugia - ston ir tras desserts, terras malsegiras e schizunt traversar la mar. E fugitivs pateschan. Blers vulan gidar - tranter auter era famiglias en l'Italia. Els dattan oravant tut alloschi ad uffants e giuvenils.