Siglir tar il cuntegn
Inhalt

Lexicon F Fifa

La FIFA, Federaziun internaziunala da las associaziuns da ballape, ha grondas difficultads perquai che auts funcziunaris vegnan accusads da la corrupziun.

La FIFA, la Federaziun internaziunala da las associaziuns da ballape, è la pli gronda uniun dal mund. E quella FIFA ha per il mument grondas difficultads, quai perquai che auts funcziunaris da la FIFA vegnan accusads da la corrupziun e d’avair lavà raps. Quella FIFA reelegia ses vegl president, e quai per la 5avla giada. Sepp Blatter ha 79 onns e n’ha betg mo amis. Co èsi pussaivel ch’el vegn tuttina reelegì, e co funcziunescha quella FIFA atgnamain?

La polizia chantunala da Turitg arrestà 7 funcziunaris da la Fifa. Quests funcziunaris duajan avair acceptà milliuns. Pertge è quai in uschè grond scandal?

L'entschatta da zercladur 2015 era Blatter vegnì elegì a Turitg per in’ulteriura perioda da 4 onns sco president da la FIFA. Sco el ha ditg haja el sa laschà eleger, perquai ch’el haja gugent la FIFA e veglia mo il meglier per il ballape. Ma blers na sustegnian betg pli el, perquai sia demissiun.

Fifa ed il scandal da corrupziun

L'atun 2010 han ins pudì leger che la FIFA, l'organisaziun da ballape, saja confruntada cun in scandal da corrupziun. Dentant, tge è corrupziun?