Siglir tar il cuntegn
Inhalt

Lexicon E Eurovision Song Contest

L'Eurovision Song Contest è ina concurrenza da musica internaziunala. Dapi il 1956 vegn ella organisada annualmain da la «Europäischen Rundfunkunion EBU».

Legende: Video Co funcziuna il ESC ? abspielen. Laufzeit 02:46 Minuten.
Or da Minisguard dals 13.05.2017.

Ils 13 da matg 2017 ha lieu per la 62avla giada il «Eurovision Song Contest» ESC, quai onn en la Ucraina. 42 naziuns tramettan lur artist ni band per porscher ina buna show ad ils 200 milliuns aspectaturs. La finamira è natiralmain da gudagnar la concurrenza musicala. Il Minisguard declera co che quai funcziuna.

Portugal gudogna ESC 2017

Gudagnà l’Eurovision Song Contest a Kiev en l’Ucraina ha cleramein il Protugal. Salvador Sobral ha persvas il public cun sia ballada da jazz «Amar Pelos Dois». Sia preschentaziun è stada ina da las pli quietas da l'entira saira. Suenter ses triumf ha il giuven da 27 onns discurrì d'ina victoria per la musica. Sin plaz dus e trais suondan la Bulgaria e la Moldavia. La gruppa da l'Italia favurisada ha cuntanschì il sisavel plaz.

La proxima ediziun da l'ESC è grazia a la victoria da Sobral en il Portugal.

Australia

Il 2015 ha l'Australia l'emprima giada prendì part a l'Eurovision Song Contest. Guy Sebastian era l'emprim participant dal ESC e quai a Vienna. Cun «Tonight Again» ha el cuntanschì il plaz 5. Il 2016 era quai Dami Im cun «Sound of Silence» ed il 2017 Isaiah ha cuntanschì cun «Don't Come Easy» il plaz 9.

Legende: Video Era l’Australia prenda part al ESC abspielen. Laufzeit 00:57 Minuten.
Or da Minisguard dals 13.05.2017.

ESC 2017 a Kiev senza la Russia

La Russia e l'Ucraina èn gia dapi onns en dispita pervi da l'insla Crim. Perquai che la participanta da la Russia Julia Samoilowa ha gia dà ina giada in concert sin l'insla Crim n'ha ella betg obtegnì la lubientscha d'entrar en l'Ucraina e ha perquai betg pudì prender part al ESC.

Legende: Video ESC senza la Russia abspielen. Laufzeit 01:32 Minuten.
Or da Minisguard dals 13.05.2017.