Siglir tar il cuntegn
cuntegn

Lexicon C Curling

Curling vegn giugà dapi bun 500 onns. En Svizra vegn giugà il terz bler curling sin l’entir mund.

La Svizra tutga gia dapi la fundaziun da la federaziun internaziunala da curling en l’elita mundiala. Suenter il Canada e la Scozia vegni giugà en Svizra il terz bler curling sin l’entir mund. Mo co dattan ins curling?

Miriam Ott
Legenda: Miriam Ott Reuters

Il num

Il pled curling pudess avair duas derivanzas. Ina varianta è ch’il num curling deriva dal pled englais “to curl”che vul dir „sa volver“ sin il glatsch.
Tschella varianta deriva era d’in pled englais “curr”: pia dal tun da runtgir ch’il crap fa cun sa glischnar sur il glatsch.

 

crap vegl
Legenda: crap vegl Google

Curling vegni giugà gia dapi la fin dal temp medieval, pia avant bun 500 onns. Il pli vegl crap da curling ch’exista, è da l’onn 1511 - exact 500 onns vegl. En il crap stat l’inscripziun St. JS B Stiling. Uschia ha il crap survegnì il surnum “Stirlingstone”.
Era da lez temp è curling vegnì numna per l’emprima giada en in text. Quai a Renfrewshire en Scozia.

 

curling pli baud
Legenda: curling pli baud Google

L’emprim club da curling è vegnì fundà l’onn 1716. Lura na stuevan betg tuts giugar cun ils medems craps. Uschia devi ina gronda concurrenza tgi che ha il pli grond crap da curling.

 

crap curling
Legenda: crap curling Google

Il crap

Il pli renumà utensil per giugar curling è il crap che sumeglia in zichel ina chanta da té. Uschia in crap paisa bunamain 20 kilos.

 

Ils craps èn ord granit ed enfin che la furma finala è dada, dat quai blera lavur. Perquai custa in singul crap da curling var 2’000 francs svizzers. Mintga equipa dovra almain 8 craps per pudair giugar. Plinavant dovri in crap da reserva.

Als gieus olimpics da Vancouver 2010 èsi vegnì giugà cun in crap modern. Ses manetsch mesira, sch’il giugader lascha dar il crap baud avunda. Tegn il giugader il crap pli ditg che la lingia blaua ch’inditgescha il cunfin per laschar dar il crap,alura glischan duas chazzolas sin il crap.

Miriam Ott al campiunadi mundial
Legenda: Miriam Ott al campiunadi mundial RTR

Ils campiunadis

Era sch’il gieu da curling ha passa 500 onns, datti pir dapi 60 onns campiunadis mundials, a l’entschatta mo per ils umens.
L’emprim campiunadi mundial da curling per dunnas è stà l’onn 1979, pia avant 40 onns. Dapi l’onn 1998 è curling ina disciplina olimpica. L’emprima giada èsi vegnì giugà curling als gieus Olimpics da Nagano.

 

curling umens
Legenda: curling umens RTR

La Svizra è curling

La Svizra è sper il Canada e la Scozia la terza terra, nua che curling è fitg popular. Uschia gudognan era adina puspè equipas svizras medaglias d’argient, bronz u schizunt d’aur.

 

Curling
Legenda: Curling Google

In glatsch prezius

Per dar hockey, per ir cun patins ubain per dar curling dovri glatsch. Glatsch è simplamain aua schelada. Fauss. Far glatsch per giugar curling n’è betg uschè simpel. Il glatsch da curling è in glatsch prezius.