Siglir tar il cuntegn
cuntegn

Lexicon C Clima

Tar midadas da clima vegnan adina numnads ils glatschers sco exempel. Dentant era il guaud sa mida tras las temperaturas pli chaudas. Tschertas chaussas èn positivas, autras betg.

Tge consequenzas ha quai per nossa natira en il Grischun?

L'october 2018 è vegnì preschentà in nov rapport dal cussegl mundial dal clima IPCC. Tenor quel sto il mund reducir dramaticamain la producziun da CO2. Ma nua è il problem, sche noss mund daventa in zic pli chaud e daco dovri grondas midadas per evitar quai?

Ina da las raschuns è era l’effect da serra. Mo tge è quai?

Club of Rome – studi midada dal clima

Il «Club of Rome», ina gruppa da scienziads, ha preschentà il matg 2012 in studi en connex cun la midada dal clima. En quest studi han els quintà quant ferm ch'il mund sa stgauda en il futur. Il resultat: anc bler pli ferm che fatg quint. La culpa saja l'effect da serra ch'è vegnì pli e pli intensiv. Tge munta quai effect da serra e tge èn ils privels?

Il settember 2014 èn tut las terras dal mund s‘entupadas per discutar sur dal clima. Ins vuless scriver in contract che vala per tut ils stadis dal mund. Cun quest contract less ins cuntanscher ch’il mund na vegni betg pli e pli chaud e ch’i giaja puspè meglier cun il clima dal mund.