Siglir tar il cuntegn
cuntegn

Lexicon C Chorea Huntington

«Chorea Huntington» è ina malsogna greva. Ella è derasada surtut a Val Müstair. Perscrutaders britannics han ussa para chattà ina substanza che pudess gidar ils pazients.

Legenda: Guardar il video La malsogna «Chorea Huntington» . Durada 02:02 minutas.
Or da Minisguard dals 23.12.2017.

Persunas cun la malsogna Chorea Huntington han in defect en ils gens. Quel fa che las persunas survegnan ils emprims sintoms en la vegliadetgna da circa 40 onns e moran radund 15 onns pli tard. En la Val Müstair è la malsogna derasada uschè ferm sco en nagin auter lieu en l’Europa. La raschun perquai è, ch'i vegniva pli baud maridà en la parentella ed uschia dà vinavant la malsogna. Uss datti dentant speranza: medis da la Gronda Britannia han sviluppà in medicament che pudess gidar.