Siglir tar il cuntegn
cuntegn

Lexicon B Buccarias

Il matg levan las buccarias or dal sien d’enviern e sgolan da planta per magliar feglia. Ils purs n’han dentant betg uschè grond plaschair da las buccarias.

Il matg levan las buccarias or dal sien d’enviern e sgolan da planta per magliar feglia. Ils purs n’han dentant betg uschè grond plaschair da las buccarias. Avant che quellas sgolas vivan ellas numnadamain sco coss en il terratsch e maglian là las ragischs.

Buccaria Giuanna sin maun
Legenda: Buccaria Giuanna RTR

Quai è la buccaria Giuanna. Ella ha trais onns e per l’emprima giada vesa ella il sulegl. Enfin oz ha ella vivì sut la terra. Dacurt è ella sa chavada ord la terra e sco emprim sgola ella tar plantas. Là maglia ella fin ch’il venter è plain.

 

buccarias sin plonta
Legenda: buccarias sin plonta RTR

Cun il venter plain sgola Giuanna enturn enfin ch’ella chatta il Giachen. Quel plascha ad ella uschè bain, ch’els sa decidan da fundar ina famiglia.

 

Buccarias fan amur
Legenda: Buccarias fan amur RTR

Uss sgola Giuanna enavos tar il lieu nua ch’ella è naschida. Là chava ella ils ovs en il terratsch.

Èn las buccarias ina giada sa chavadas ord la terra, na vivan ellas ditg. U ch’ellas vegnan magliadas d’in inimi, sco per exempel, in corv, in erizun u forsa in misarogn. Ni ch’ellas ston murir suenter radund in mais.

 

Erizun
Legenda: Erizun RTR
Misarogn
Legenda: Misarogn RTR
Tgapper
Legenda: Tgapper RTR

 

Coss
Legenda: Coss RTR

En il fratemp èn ils ovs da Giuanna en il terratsch, ed ord quels naschan coss.

 

Poppa
Legenda: Poppa RTR

Durant dus onns vivan quels coss en il terratsch, els maglian ragischs per vegnir gronds e ferms. Quai na plascha betg als purs ed als ortulans, pertge senza ragischs na datti nagin bun pastg. Suenter quels dus onns, sa mumifitgeschan ils coss e restan anc in enviern en il terratsch. La primavaira vegnan las buccarias ord las poppas.

 

pitschnas buccarias
Legenda: Pitschnas buccarias RTR

Las 25 buccarias, ils uffants da Giuanna sa chavan ord il terratsch e sgolan tar plantas per sa nutrir. Quellas buccarias fan ussa exact il medem sco quai che la mamma Giuanna ha fatg avant trais onns.