Siglir tar il cuntegn

Lexicon A Aua

Sch’i na plova betg durant in lung temp èsi dapertut sitg. Mo tuttina na stuain nus per ordinari betg avair tema d’avair nagina aua da baiver.

Sch’i na plova betg durant in lung temp èsi dapertut sitg. Mo tuttina na stuain nus per ordinari betg avair tema d’avair nagina aua da baiver. Aua hai numnadamain en ils reservuars. Danunder che quels survegnan l'aua, quai declera il Minisguard.

Per che l’aua da baiver vegn or da la spina dovri in bun provediment d’aua. A Savognin è vegnì construì in tal provediment modern e nus avain visità quel e laschà declerar co quai funcziuna.

L'equiliber da l'aua è en privel

Mintg'onn ils 22 da mars èsi il di da l'aua. Il tema da l'onn onn 2012 è stà l'equiliber da l'aua e l'influenza da la producziun da mangiativas sin quest equiliber. Il Minisguard mussa pertge che l'equiliber da l'aua è en privel.

Quant'aua duvrain nus di per di?

magiel d'aua
Legenda: magiel d'aua RTR

In bel tschiel blau senza nivlas – quai envida d’ir ordavert per far termagls u per ir a spass. La bell’aura na fa dentant betg mo plaschair – sch’i n’ha daditg betg pluvì, ha la natira said. Uschia èsi scumandà da far fieu en il guaud, ed ins sto bagnar prads ed ierts. Tema che nus n'hajan betg avunda aua per viver na stuain nus dentant betg avair en Svizra, quai pervi dals flums e da l’aua sutterrana. Dentant, quant’aua duvrain nus atgnamain di per di, e per tge?

 

Quanta aua dovri propi per ina scadiola café?

Tge schabegia cun l'aua suenter "la gronda sesida"?