Siglir tar il cuntegn

Versets e poesias (Vallader) Spassegiadas

Spassegiadas

in uffant va a spass tras la cuntrada
Legenda: in uffant va a spass tras la cuntrada Pixabay

Eu vegn a spass

Eu vegn a spass tras la cuntrada
cun meis chapè chi fa parada
qua vain ün vent impertinent
pigl’il chapè e’s fa davent
Che dess eu far, saperlottina,
star inavant in Engiadina
o tour ed ir dalöntsch davent
inglur ingio chi nu dà vent?

Vè, a spass nus giain

Vè, a spass nus giain
e svelt ans preparain.
Metter cream sülla fatscha
e davo eir sülla bratscha,
las s-charpas vi da mincha pè
e sül cheu ün clap chapè.
Üna schicc’est / Ün vaira schic est, saperment
ussa dai, sü e davent.

Far tuot sco descrit e siglir l’ultim (pro “sü e davnet”) in pè.

(Cupicharoulas: Hoppahajas, versins e chanzuninas, Lia Rumantscha, Cuira 2011)