Siglir tar il cuntegn

Versets e poesias (Vallader) Animals

Animals

furmicla
Legenda: furmicla Pixabay

I vain üna furmia
I vain üna furmia
chi tschercha sia via...
chamina fin pro’l pè
fa sguozchas – judihe!

Perche
Perche nu fa il chan mi-au?
perche nu fa il giat vau-vau?
perche nu fa il cuc mu-mu?
perche nu fa il vdè cu-cu?
perche, perche? perche da schi,
quai es uschè, disch meis umbli.

Eu sun ün scarafagin
Eu sun ün scarafagin
E tscherch ün bel löin,
stun uossa bel quiet
amez teis vainteret.

Ir culla dainta sur il corp da l’uffant e far sguozchas al pè/vi dal vaintar.

L’andina
Plain superbgia va l’andinada
Samedan fin Martina.
Tuorna lura pür vers saira
stangla morta cun fom naira.

Mürinas in chadafö
Muos-ch, muos-chin in chadafö
Las mürinas fan lur gö.
Üna vaglia,
Üna maglia,
Üna licha our dal plat,
husch, davent chi vain il giat.

Siglir culs mans e la dainta aint il ajer.
Pro "husch" zoppar ils mans davo la rain.

Ün giat sfarfat
Ün giat sfarfat
ün plat cun lat
e pimfate
e pamfate
e ningün giat
e ningün plat
be il lat chi va planet per seis fat.

Il cuc
El as zoppa dapertuot
cucucs
ün ün bös-ch, davo ün muot
cucuc
bod da schnester, bod da dre
tcucuc
vain seis clom e’m fa dalet
cucuc.

Trari trari trarà
Trari trari trarà
eu vegn hoz our sül prà
il giat sta a sulai
il chan quel vain cun mai
la mür es aint in schler
e magli’ün mailinter
trari trari trarà
meis muond es striunà
il chan es üna mür
il giat es aint il s-chür
la mür es sül chamin
e drizz’il svagliarin.

(Cupicharoulas: Hoppahajas, versins e chanzuninas, Lia Rumantscha, Cuira 2011)