Siglir tar il cuntegn

Versets e poesias (Puter) Nanins

Nanins

nannin
Legenda: nannin Pixabay

Desch bels nanins

Aint a Staz desch bels nanins
cun lur barbas, be pittins,
as divertan tuottadi,
daun saglins innò, invi.

A ramassan eir uzuns,
e giglüdras a mantuns.
Sün bels funschs els faun la posa,
dorman sten scu suot narcosa.

E vers saira, judihui,
tuots sdasdos sun in ün hui,
giouvan, rian inavaunt,
que plaschess a minch’iffaunt.

Ils tschinch nanins

Nus essans tschinch nanins
ed essans zuond bravins:
Il polesch: sgualatta las prünas
Il daunt da musser: las clegia sü
il daunt d’immez: las metta illa chavagna
il daunt da l’anè: las porta a chesa
il dantulin: quel lumpazzet, las mangia tuot sulet.

(Cupiroulas: Hoppahajas, versins e chanzuninas, Lia Rumantscha, Cuira 2011)