Siglir tar il cuntegn
Inhalt

Versets e poesias (Puter) Bes-chas

Bes-chas

utschè
Legenda: utschè Pixabay

Utschè, utschè da mer

Utschè, utschè da mer
quaunta peja poust purter?
Eau poss purter üna nitschoula.
Tü est aint e tü est – oura.

Il cucuc

El as zoppa dapertuot
cucu
sün ün bös-ch, davous ün muot
cucu
bod da schnestra, bod da dretta
cucu
vain sieu clam ed am daletta
cucu.

L’andina

Plain superbgia vo l’andina
da Samedan fin Schlarigna,
tuorna lura pür vers saira,
staungla morta cun fam naira.

Perche

Perche nu fo il chaun mi-au?
Perche nu fo il giat vau-vau?
Perche nu fo il cuc mu-mu?
Perche nu fo il vdè cu-cu?
Perche, perche? Perche da schi,
que es uschè, disch mieu ungli.

(Cupiroulas: Hoppahajas, versins e chanzuninas, Lia Rumantscha, Cuira 2011)