Recepziun da televisiun

Infurmaziuns co recepir il chanal da televisiun.

Televisiun cun telecumond

Legenda da maletgs: Guardar televisiun Keystone

La Televisiun Rumantscha (TR) n'ha betg in agen chanal da televisiun. Perquai vegnan las emissiuns da la TR mussadas sin SRF 1 u lura las repetiziuns sin SRF info, RSI LA 1 e 2 u sin TSR 1 e 2.

La SRG SSR distribuescha tut ils chanals sin via digitala DVB (Digital Video Broadcasting). Vus pudais recepir il program cun suandantas tecnologias.

Sur satellit (DVB-S)

La SRG SSR emetta ses program sur il satellit Hotbird e po perquai vegnir recepida en l’entira Europa. Ord raschuns da protecziun vegnan ils programs codai. Per che Vus possias recepir ils chanals da la SRG SSR duvrais Vus in'antenna parabolica ed in receptur da satellit DVB-S cun in decoder da viaccess. La carta cun ils dretgs da decodar pudais Vus empustar tar la SRG SSR sin il link qua giusut u tar Vossa fatschenta spezialisada.

Qua chattais Vus las indicaziuns necessarias per programmar Voss receptur:

  • Satellit: 13° Ost Eutelsat Hotbird
  • Frequenza: 12.399 MHz
  • Polaritad: H (orizontal)
  • Symbolrate: 27’500 / FEC ¾
  • Frequenza: 11.526 MHz
  • Polaritad: H (orizontal)
  • Symbolrate: 27’500 / FEC ¾
  • Frequenza: 10.971 MHz
  • Polaritad: H (orizontal)
  • Symbolrate: 29’700 / FEC 2/3

Sur cabel (DVB-C)

Ina gronda part da las chasadas en Svizra retschaivan ils programs da televisiun via cabel. L’adressa da la societad da cabel en Vossa regiun pudais Vus dumandar tar la vischnanca u tar Vossa administraziun d’immobiglias.

Sur antenna (DVB-T)

DVB-T cumplettescha ils chanals da derasaziun existents e pussibilitescha via antenna la recepziun digitala dals programs da la SRG SSR. En il Grischun vegnan ils programs da SRF 1, SRF 2, SRF info, RSI LA 1 e TSR 1 derasads sin via terrestra.

Sur internet

Sper las vias convenziunalas da broadcast porscha RTR era differentas pussaivladads da recepir il cuntegn da video sur l’internet. Vus pudais clamar giu e recepir or da l'archiv emissiuns passadas (On Demand). Per pudair guardar mobil e tenor agen giavisch emissiuns passadas pon ins era chargiar pliras emissiuns da TR direct en furma da podcast u via il computer sin in player local.

Ulteriuras infurmaziuns