Protest cunter renovaziun - investiders sa dostan

La protecziun da la patria grischuna fa protest cunter la renovaziun planisada dal hotel istoric Scuol Palace. Ella na va betg d'accord cun l'isolaziun ch'è planisada vid il hotel. Ils investiders èn dentant vinavant persvas da lur project.

In'isolaziun exteriura da stiropor vid in bajetg da muntada naziunala na giaja simplamain betg, ha ditg Ludmilla Seifert da la protecziun da la patria. La vischnanca da Scuol ha communitgà ch'i saja vegnì inoltrà in recurs cunter la dumonda da construcziun dal Center da cultura Nairs.

Investiders sa dostan Ils investiders americans han prendì posiziun. Els èn vegnids sin l'areal da l'anteriur Kurhaus, da l'hotel Scuol Palace. Per els n'èn las renfatschas betg giustifitgadas. (rtr/hs)

(RR novitads a las 11:00)

Stop da construcziun per il Hotel Scuol Palace

Perquai ch'igl è vegnì lavurà vid fanestras da l'hotel Scuol Palace, in hotel da 150 onns, ha la vischnanca decretà ils 21 d'avust 2014 in stop da construcziun per quel. La raschun è che la lubientscha persuenter n'era anc betg concedida definitiv.

Novitads da la rusna – da miraglia, concurs e siemis

L'hotel Palace a Scuol è dapi quatter onns bandunà. L'emprim hotel da luxus da l'Engiadina Bassa ha in passà muventà. Mo durant ils ultims quatter onns hai dà set ingiants. L'hotel è ina perditga da l'istorgia pompusa dal turissem da sanadad. En il 19avel tschientaner – cura ch'i deva ni la Viafier Retica ni il traffic dad autos – frequentavan chaus curunads e famiglias ritgas da tut l'Europa en il "Kurhaus Tarasp", da quella giada per curar qua, grazia a las funtaunas curativas, mendas da tuttas sorts. Oz appartegna la chasa ad ina gruppa israelian-americana dad investurs che ha gia cumenzà cun las renovaziuns las pli urgentas. Ma l'avegnir da l'hotel è intschert: in object da speculaziun u in object istoric prezius? In film da Christoph Müller.