Siglir tar il cuntegn

Header

audio
Pixabay
laschar ir. Durada: 57 minutas 51 Secundas.
cuntegn

Musica festiva - Tschaikowski ed il rumpanuschs

Musica classica e Nadal – quels dus chavazzins èn quasi sinonims per il cumponist d'oratoris Johann Sebastian Bach e sia musica na manca betg en quel Vita e cretta spezial. En il center stat però in ballet da Tschaikowski che derasa medemamain tempra da Nadal.

Piotr Iljitsch Tschaikowski ha mess en musica ina paraula da Nadal. Quella gioga en in siemi d'ina mattatscha. Sulet grazia a lezza è ina figura da lain – in smatganuschs, enconuschent sco il Nussknacker – puspè sa transfurmada enavos en in carstgaun. Quai è raschun avunda da far in viadi en il mund da dultschergnims, far festa e sautar.

En in emprim pass ha Tschaikowski cumponì in ballet che sa basa sin quella paraula scritta dad E.T.A. Hoffmann, pli tard ha el er ramassà intginas parts, forsa ils highlights, en ina versiun mo per orchester. Per quella uschenumnada suita per orchester è il cumponist russ sa concentrà cunzunt sin ils sauts durant las festivitads.

Il Pled sin via per il di da Nadal fa Marianne Strud, reverendessa da Ftan, Ardez e Guarda.

Dapli da «Vita e cretta»

Scrollar a sanestra Scrollar a dretga