Siglir tar il cuntegn

Header

audio
Per ils 100 onns da la Chasa Paterna datti in cudeschet da giubileum e l'ediziun actuala da Romana Ganzoni.
RTR, Riccarda Müller
laschar ir. Durada: 3 minutas 18 Secundas.
cuntegn

100 onns Ediziun Chasa Paterna

Dapi l'onn 1920 èn cumparidas 138 ediziuns. Il giubileum da 100 onns vegn festivà ils 27 da settember a Lavin.

Crear in'instituziun per edir buna lectura per in pretsch favuraivel, quai era l'intenziun da Jon Clos Brunner, ch'ha fundà l'onn 1919 la Chasa Paterna. L'onn suenter era cumparida l'emprima ediziun, «Las chasas da Gonda» da Rosa Saluz da Lavin. 100 onns pli tard cumpara la 138avla ediziun, «Vent per mia vela» da Romana Ganzoni.

Durant trais generaziuns ha la famiglia Brunner manà ed edì la Chasa Paterna. L'onn 1993 ha lura Gion Peider Mischol surpiglià la redacziun. Dal 2000 è la societad Chasa Paterna vegnida schliada e l'Uniun dals Grischs ha surpiglià l'ediziun.

100 onns litteratura ladina
Durant ils 100 onns da la Chasa Paterna èn vegnidas publitgadas 138 ediziuns. Bleras dad auturas ed auturs ch'han publitgà mo in cudeschet. Intgins nums pon ins leger dentant pli savens sin ils titels: Oscar Peer, Andri Peer, Selina Chönz, Gian Gianet Cloetta, Men Rauch e Göri Klainguti.

80% da las publicaziuns èn stadas ovras originalas, 10% traducziuns dal tudestg, intginas dal talian e dal franzos ed ina u l'autra perfin dal sursilvan.

Dapli da «Total local»

Scrollar a sanestra Scrollar a dretga