Ils problems cumenzian gia a l'entschatta da la vita: Bunamain 45 pertschient dals uffants tranter 6 mais e dus onns na survegnian nagins fritgs e legums. Ca.60 pertschient nagins ovs, products da latg, charn e pesch.
149 milliuns uffants sajan retardads en lur svilup u memia pitschens per lur vegliadetgna, 50 milliuns sajan memia flaivels e maghers per lur grondezza. 320 milliuns uffants na survegnian betg avunda vitamins e substanzas nutritivas, 40 milliuns han surpais.
Pli tard hajan uffants memia savens fastfood u bavrondas cun zutger sin maisa.
La cifra – 200 milliuns
200 milliuns uffants sin l'entir mund na vegnan betg nutrids bain ed èn malsauns, quai ha l'Unicef, l'Ovra d'agid per uffants da las Naziuns Unidas communitgà. In da 3 uffants sut 5 onns na survegn betg avunda maglia u ha surpaisa.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter