Siglir tar il cuntegn

Header

audio
«Finde die Unterschiede 750+»: Cun passa 700 nivels dal gieu èn ins fatschentà in mument.
RTR, Onna Riedi
laschar ir. Durada: 4 minutas 25 Secundas.
cuntegn

Digitip – Gieus per passatemp

Sch'ins spetga sin in bus u tren ubain tar il medi u coiffeur, èsi mintgatant flot da pudair dar in gieu sin il telefonin. Adina n'èsi però betg uschè simpel da chattar en la gronda massa da gieus er in bun gieu. Qua perquai trais tips:

Download
  • Cun World Map Quiz sa tgi che vul era gest emprender enzatgei, meglierar sias enconuschientschas da la carta mundiala. Tge pajais sa chatta nua? E tgenina è la chapitala da tge pajais? I dat differents livels ed in atlas interactiv per consultar tar malsegirezzas.
  • Per tgi che leva gia adina regular il traffic dad autos ed evitar cun sias cumpetenzas colonnas ed accidents datti il gieu Intersection Controller. Sin 60 differentas cruschadas pon ins regular il traffic e sche quai na tanscha betg, pon ins er crear atgnas cartas cun cruschadas ch'ils ulteriurs utilisaders dal gieu pon lura empruar da regular.
  • E sco terz per tgi che vul simplamain passar temp e betg grond sa dar giu cun reglas da gieu, datti Finde die Unterschiede 750+. Tar dus quasi identics maletgs ston ins tschertgar ils sbagls. Cun passa 700 nivels dal gieu èn ins fatschentà in mument.

Tuts trais gieus datti per android. Els èn gratuits, cuntegnan dentant reclamas. Per tgi che na vul quellas, datti la pussaivladad da cumprar ina versiun senza reclama.

Dapli da «Tips, trics e tacs»

Scrollar a sanestra Scrollar a dretga