Siglir tar il cuntegn

Header

video
Ils scolars e las scolaras giavischan a tai ina bella stad
Or da Giuventetgna dals 21.06.2021.
laschar ir. Durada: 37 Secundas.
cuntegn

Co esi stà? Igl è stà... auter!

Dals 21 enfin ils 25 fan scolaras e scolars da Falera, Rueun, Savognin e Samedan bilantscha da quest onn da scola singular che va vers la fin.

Reglas d’igiena, tegnair distanza, tests da massa, purtar mascra. Tut è stà auter ch'ils onns passads. Covid-19 ha revoluziunà la vita er en scola.

Co han scolaras e scolars resentì quest onn e mez passà en scola? Tge influenza ha la pandemia gì en lur mintgadi, entaifer lur classas, en lur famiglias en lur conturn? Tge è ì bain? Nua han els resenti difficultads cura èn els ed ellas sa sentidas isoladas?

I n’era betg cool da na pudair vesair mes amis.
Autur: Tumasch Scolar da 2. classa, Falera

RTR tutga il puls a scolaras e scolars da differentas classas primaras e superiuras avant che l’onn da scola va a fin.

Betg tut è stà schlet

Igl è evident che la pandemia ha prendì a scolaras e scolars ina part da lur libertad da viver. Betg pudair vesair la fatscha da la magistra u dal magister. Desister da far sport, betg pudair entupar amis ed amias, ma era stuair desister da tradiziuns sco il Chalandamarz e las visitas tar tatta e tat charezzads han marcà lur vita.

Malgrà tut las restricziuns, impediments e reglas chattan scolaras e scolaras era aspects positivs dal temp da pandemia: Els discurran da dapli segirezza tar lavur autonoma, dapli luccadad cun la tecnica, dapli temp per enconuscher sasez, dapli temp per leger cudeschs e per la famiglia, dapli quietezza en il vitg senza turists.

Dals 21 enfin ils 25 fan scolaras e scolars da Falera, Rueun, Savognin e Samedan bilantscha da quest onn da scola singular che va vers la fin.

Nus sperain da pudair festegiar nossas tradiziuns sco il Chalandamarz l’onn proxim.
Autur: Silas Scolar 2. secundara Samedan

Els ans raquintan da lur experientschas, da lur sentiments e malsegirtads, ma era davart lur aspectativas per in futur senza u damain restricziuns. Els expriman lur giavischs per il nov onn da scola, respectiv per lur vita da studi u professiunala ed els ans dian co els sa legran sin las vacanzas da stad.

3. secundara e reala da Surses

Scolaras e scolars da la 3. secundara e reala Surses cun la magistra Zegna Pitet Dosch e Daniel Dedual.
Legenda: Sco ina famiglia Scolaras e scolars da la 3. secundara e reala Surses cun la magistra Zegna Pitet Dosch e Daniel Dedual. Gaby Degonda
audio
3. secundara e reala a Surses: Tge ha fatg quitads?
ord RTR Audio dals 21.06.2021.
laschar ir. Durada: 2 minutas 59 Secundas.
audio
3. secundara e reala a Surses: Co vai vinavant cun corona?
ord RTR Audio dals 21.06.2021.
laschar ir. Durada: 3 minutas 22 Secundas.

6. classa da Surses

Scolaras e scolars da la 6.avla classa Surses cun lur magistra Madleina Nay.
Legenda: Igl è stà ...instructiv! Scolaras e scolars da la 6avla classa Surses cun lur magistra Madleina Nay. Gaby Degonda
audio
La 6. classa a Surses e corona
ord RTR Audio dals 25.06.2021.
laschar ir. Durada: 3 minutas 41 Secundas.

2. classa secundara da Samedan

Scolaras e scolars da la 2. secundara da Samedan cun la magistra Karin Näf.
Legenda: Igl è sta.... spezial! Scolaras e scolars da la 2. secundara da Samedan cun la magistra Karin Näf. Gaby Degonda
audio
2. secundara da Samedan
ord RTR Audio dals 25.06.2021.
laschar ir. Durada: 4 minutas 57 Secundas.

La 5. e 6. classa da Rueun

Scolaras e scolars da la 5avla e 6avla classa da Rueun cun lur magistra Andrea Monn.
Legenda: Igl è stà ... auter! Scolaras e scolars da la 5avla e 6avla classa da Rueun cun lur magistra Andrea Monn. Gaby Degonda

La 2. classa da Falera

Scolaras e scolars da la 2. classa da Falera cun lur magistra Angela Bleuler Deflorin.
Legenda: Igl è era stà auter che cool! Scolaras e scolars da la 2. classa da Falera cun lur magistra Angela Bleuler Deflorin. Gaby Degonda

RTR actualitad

Artitgels legids il pli savens