Co pudais Vus inoltrar Vossas gratulaziuns?
Per trametter a nus Vossas gratulaziuns avais Vus pliras pussaivladads.
Gratular via formular
Trametter Vossas gratulaziuns per whatsapp
Spert e digital - tramettai Voss auguris durant l'ura da gratulaziuns da nov era sco messadi da text per whatsapp sin il nummer 079 200 70 07. Adatg: Per whatsapp n'èsi betg pussaivel d'inditgar giavischs da musica.
Telefonar direct en il studio
Vus avais era la pussaivladad da telefonar suenter las 13:00 direct en il studio sin il numer 0800 20 25 30 e gratular persunalmain a Voss chars cun in giavisch musical.
Per posta
Radiotelevisiun Svizra Rumantscha
Gratulaziuns
Via da Masans 2, CH-7000 Cuira
Reglas
- Gratular a scrit pon ins a giubilaras ed a giubilars che han in anniversari radund tranter 5 ed 80 onns en intervals da tschintg onns. Davent dal 80avel anniversari vegnan las giubilaras ed ils giubilars resguardads mintg'onn. Al Radio Rumantsch pudais Vus er trametter gratulaziuns per giubileums da nozzas da 25, da 50 e da 60 onns ensi.
- Vossas gratulaziuns ston esser tar nus il pli tard il di d'anniversari la damaun a las 07:00.
- A collavuraturAs da RTR na pon ins betg gratular sur l’emettur, dentant en l’internet. CollavuraturAs da RTR na gratuleschan er betg sur l’emettur a lur parents, amis ed enconuschents.
- Versets en rima en las gratulaziuns na vegnan betg prelegids en las emissiuns.
- Gratulaziuns scrittas en auters linguatgs che rumantsch, vegnan translatadas e prelegidas per rumantsch.
Gratulaziuns en l'internet
Ultra da las gratulaziuns al radio pudais Vus era publitgar las gratulaziuns cun versets u texts pli lungs ed ina fotografia dal giubilar en l'internet. Per l'internet n'è il reglament da gratulaziuns surmenziunà betg valaivel. Qua pudais Vus gratular tar tut ils anniversaris e dis da nozzas.
Gratulaziuns curtas e surdada da la cuppina ad in giubilar
glindesdi fin venderdi a las 09:03
sonda e dumengia a las 10:03
Gratulaziuns cun ils giavischs musicals
mintga di da las 13:00 enfin a las 14:00