Siglir tar il cuntegn

Header

cuntegn

Nossa cuschina biodiversa Lia Heini-Piacentini – l'experta da bulieus

«En il guaud chat jau ruaus ed energia»

«Duas enfin trais uras a di passent jau ein il guaud per guardar tge bulieu che crescha nua», uschia Lia Heini Piacentini.

Dapi diesch onns sa deditgescha la dunna da 50 onns a la fascinaziun bulieus. La passiun per questa planta misteriusa ha motivà ella da sa scolar e da daventar controlladra da bulieus tar il servetsch da bulieus en Surselva avant prest diesch onns.

Savens chatt'ins bulieus uschè bels per bitschar els.
Autur: Lia Heini Piacentini controlladra da bulieus en Surselva

Passa 300 kilos bulieus vegnan controllads entaifer ina stagiun dals controlladers da la Surselva. Sper las controllas emnilas a Siat, Glion, Mustér e Laax, sa scolescha la controlladra diplomada emna per emna als curs e sentupadas per controlladers da bulieus a Cuira tar l'Uniun grischuna da bulieus.

Il guaud merita respect e ruaus.
Autur: Lia Heini Piacentini controlladra da bulieus en Surselva

Tschertgar e chattar bulieus e dapli ch'in hobi per Lia Heini-Piacentini. I saja plitost in regl. Plinavant è il plaschair da sa mover en il guaud, giudair la diversitad, colurs ed odurs dals bulieus pli impurtant che mangiar ils bulieus. Tar la famiglia Heini-Piacentini a Siat na datti betg savens bulieus. E tuttina, a nossa cuschina biodiversa dat Lia Heini-Piacentini pled e fatg davart il tschertgar, preparar e conservar bulieus durant il mais da settember.

RTR actualitad 10:00

Artitgels legids il pli savens