Sco emprima matta dal vitg è ella ida al gimnasi a Ftan ed ha emprais ad enconuscher a conscolaras da tut il mund. Viadis èn daventads in «leitmotiv» en la vita da Leta Vonzun-Steiner. A Paris a la Sorbonne ha ella studegià litteratura franzosa, en Grezia ha ella emprais ad enconuscher a ses um, en California ed en l'India ha ella fatg experientschas e scolaziuns che han dà ina direcziun dal tuttafatg nova a la magistra e mamma. Ensemen cun ses um Theo maina ella uss dapi decennis ina pratica per psicologia transpersunala a Lucerna. Tge lavur ch'ella fa là e co che quai è, sche la culla da l'ego schloppa, da quai raquinta ella en quest Profil.
Redacziun: Anna Serarda Campell