Per cumpensar in zichel quai temp senza concerts e festas da chant en natira, emetta RTR en l'emissiun «Noss chors» ina seria da concerts ord noss archiv. Sco quart udin nus il valent Chor viril dalla Lumnezia. «Total viril» - quai è stà il motto dal terz concert dirigì da Retus Giger. In concert cun chants che stgaudan cor ed olma; chanzuns tipicas dal repertori dal chant viril, ovras originalas rumantschas ed ovras translatadas. Nus udin chanzuns cumponidas dals indigens: Gion Antoni Derungs, Giusep Maissen, Gion Duno Simeon, Carli Scherrer, Eduard Lombriser e Tumasch Dolf. Lura dals cumponists esters: Hans Ackermann, Adolf Lindbland, Dmitri Bortnjanskj, Jean P. Egide Martini ed Edvard Grieg. A Glion ed a Vella han ils concerts gì lieu. RTR ha registrà il concert dals 14 d'avrigl a Vella en la baselgia da Pleif.
Chor viril Lumnezia – concert 2018
La primavaira 2018 ha Retus Giger dà ses terz concert cun il Chor viril dalla Lumnezia.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter