Siglir tar il cuntegn

Header

audio
Per cumponer quell'ovra ha il cumponist stuì collavurar cun il solist.
PIXABAY
laschar ir. Durada: 62:52 minutas.
cuntegn

Teamwork per in concert da violina

Tadlar

Il cumponist tudestg Johannes Brahms na saveva sez betg sunar la violina. Tuttina ha el cumponì in tal concert, la finala er sin giavisch da ses bun ami Joseph Joachim.

Las parts principalas dal Concert per violina en D-dur ha Brahms cumponì l'onn 1877. Ses ami e renumà violinist da lezzas uras, Joseph Joachim, ha cusseglià Brahms durant cumponer quest concert per violina solo ed orchester. En quest gener po il solist savens mussar quant diligent ch'el è.

Ma da cumponer in'ovra per artists virtuos, n'è mai stada la finamira da Brahms. En quest concert, ses opus 77, dattan plitost ils elements sinfonics en egl. Il concert è in resultat da lavur creativa da dus buns amis: Il cumponist e sinfonicher Johannes Brahms ed il violinist virtuos Joseph Joachim.