Siglir tar il cuntegn

Header

audio
La Gran Partita è la pli gronda serenada da Mozart.
Keystone
laschar ir. Durada: 60:12 minutas.
cuntegn

Instruments a flad en il center

En questa emissiun pudais Vus tadlar musica classica cun instruments da flad. Per lina ladagio or dal concert per clarinetta en A-Dur (KV 622) e la Gran Partita da Wolfgang Amadeus Mozart. Per lautra il notturno da Ferdinand Ries.

Download

Il concert per clarinetta ha cumponì Wolfgang Amadeus Mozart (1756-1791) lonn da sia mort, pia il 1791. Spezial è cunzunt il tun da la clarinetta da basset, betg da scumbigliar cun il tun din corn da basset.

Gran Partita

Tar la Gran Partita sa tracti da la serenada nr. 10 en B-Dur, KV 361. Naginautra serenada da Mozart dovra tant persunal: duas oboas, duas clarinettas, dus fagots, dus corns da baset, quatter corns ed in contrabass obligat. Betg sulet pervi da la grondezza ha Mozart fatg furora cun questa musica.

Tenor il titel duess la Gran partita divertir. Mozart na fiss però betg Mozart, schel navess betg er experimentà en quellovra cun set moviments. Quai ha el per exempel fatg en ils menuets. Là audan ins bain il spezial tun dal corn da basset. Quel sumeglia al fagot u la clarinetta. Cun diversas cumbinaziuns dals instruments dumogna Mozart da crear las pli differentas colurs da tuns. Insumma èsi inovra plain variaziuns, tant dinstrumentaziun sco er da temas.

Resumà pon ins descriver la Gran Partita sco musica en il spiert dina uvertura curtaisa, ina sinfonia seriusa, inopera divertenta e musica da chombra profunda. U simplamain sco musica da Mozart.

Ferdinand Ries – il biograf da Beethoven

Ferdinand Ries (1784-1838) ha er cumponì in notturno per instruments da flad, però per in pli pitschen ensemble (ina flauta, duas clarinettas, corn e dus fagots). Oz è Ferdinand Ries cunzunt enconuschent sco biograf da Ludwig van Beethoven (1770-1827). Ils dus umens senconuschevan bain, cunquai che Ries ha tranter auter er lavurà per Beethoven. Var in decenni suenter la mort dal grond cumponist ha Ries lura mess sin palpiri las uschenumnadas

Musica – ils ultims tocs