Siglir tar il cuntegn

Header

audio
Sco cumponista è Clara Schumann stada ditg en la sumbriva.
Pixabay
laschar ir. Durada: 60:22 minutas.
cuntegn

Clara Schumann – Soirées musicales op. 6

Gia sco uffant era Clara Schumann (1819-1896) – lura anc Clara Wieck – ina pianista talentada. Ses bab, in scolast da clavazin a Leipzig, ha furmà Clara a partir da l'entschatta sco uffant genial. Tant pli scuidus è il bab vegnì, cura che Clara e Robert Schumann èn s'inamurads.

Tadlar

Il bab è schizunt ì la via giudiziala per evitar che sia figlia maridia Robert Schumann – 9 onns pli vegl ed anteriur scolast da clavazin da Clara. L'amur dal pèrin è però stada pli ferma – il 1840 han Clara e Robert maridà.

A partir da quel mument ha Clara dentant vivì u stuì viver en la sumbriva da ses um ch'era medemamain cumponist e pianist. Da lez temp na deschevi betg che dunnas avessan creà cumposiziuns, ellasdunnas astgavan sin il pli vesair ora bain al clavazin.

En il center da quella classica – Soirées musicales

En quella classica pudais Vus tranter auter udir il ciclus per clavazin cun il titel «Soirées musicales», op. 6. Quella ovra ha Clara Schumann cumponì en la vegliadetgna da bun 16 onns, cur ch'ella gieva sin turnea sco pianista.

L'ovra ha sis moviments ch'èn per exempel titulads cun Mazurka, Polonaise u Ballade. Quels titels regordan zunt fitg ad in auter grond pianist da lez temp: a Frédéric Chopin che la pianista-cumponista enconuscheva persunalmain.